Палатата на Џо го прикажува односот помеѓу двата главни лика, Елиот Греам (Мајкл Гамбон), самотен милијардер и, Џо (Дени Ли Винтер), младиот син на чистачот што се грижи за големата и празна куќа на Елиот. Елиот живее блиску, но не може да живее во палатата што ја наследил. Премногу екоти од минатото. Штом станала собиралиште за богати забави и седенки, куќата станала затапувачко наследство што го прогонува Елиот, загатнато со мистерии и неодговорени прашања. Делумно курир, делумно штитеник, Џо е врската помеѓу Елиот и надворешниот свет, како што нивната приказна, а и приказните на посетителите на празната куќа, почнуваат да отскокнуваат и да одекнуваат. Ричард (Руперт Пенри-Џоунс), висок владин министер, има незаконска афера со Шарлот (Кели Рајли) во празната куќа на Елиот. За љубовниците, куќата претставува луксузно прибежиште, но како што минува времето, а нивната љубовна афера се открива, куќата им станува како затвор. Џо, Елиот и Тина (Ребека Хол), млада жена со која се спријателуваат во локалната продавница за храна, се здружуваат и ја откриваат мрачната тајна од минатото на Елиот. Во современиот филм за сеќавањата и мистериите од минатото, гревовите на таткото конечно се откриваат во кулминацијата. „Палатата на Џо“ завршува кога Елиот конечно ќе се почувствува способен да продолжи со својот живот, со оптимизам и надеж.
| Режија | Stephen Poliakoff |
| Улоги | Rupert Penry-Jones, Rebecca Hall, Danny Lee Wynter, Kelly Reilly, Michael Gambon |
| Земја | ОК |
| Аудио | англиски |
| Превод | англиски, словенечки, хрватски, српски, македонски |
| Должина | 110 минути |