Музичките комичари Брет Мекензи и Џемејн Клемент се враќаат на ХБО со хумористичен настап снимен пред публика во живо за време на турнејата во Велика Британија. Ексклузивниот настап ни ги прикажува двајцата како ги изведуваат нивните класици, но и новите песни од нивната турнеја „Flight of the Conchords Sing Flight of the Conchords Tour“. Новозеланѓаните Мекензи и Клемент имаа деби на ХБО во 2005 година, во хумористичната серија „Едновечерен настап“, по што се вратија во 2007-мата во деби-сезоната на серијата „Новозеланѓани во Њујорк“, што ги прикажуваше екранизираните верзии на нивните животи во Њујорк. Серијата доби одлични критики и од критичарите и од публиката, по што стана култна меѓународна сензација. „Новозеланѓани во Њујорк“ освои десет номинации за „Еми“ за своите две сезони на ХБО, додека нивниот албум „Далечната иднина“ освои награда за најдобар хумористичен албум на доделувањето на наградите „Греми“ во 2008 година.
| Режија | Hamish Hamilton |
| Улоги | Jemaine Clement, Bret Mckenzie |
| Земја | САД |
| Аудио | англиски |
| Превод | англиски, словенечки, хрватски, српски, македонски |
| Должина | 84 минути |