Во извршна продукција на Мет Дејмон и Бен Афлек и под менторство на браќата Фарели, филмот на „Проект Зелено светло“, „Лежерна класа“ е заснован на краткометражниот филм на Џејсон Ман што ја имаше својата премиера на лондонскиот фестивал „Рејнденс“ во 2013 година. Филмот ја раскажува приказната за богатото семејство Лангам, а главата на семејството ја игра Брус Дејвисон, додека Бренда Стронг ја игра мајката. Том Бел го игра дивиот и безобразен Леонард, кој може да ги загрози плановите на својот брат Чарлс (Ед Викс) да се ожени во едно богато семејство. „Проект Зелено светло“ е реално шоу за снимањето филмови и претставува нецензуриран поглед на предизвиците со кои се соочува неискусен режисер од периодот пред продукцијата и кастингот, преку снимањето и постпродукцијата.
| Режија | Jason Mann |
| Улоги | Tom Bell, Bridget Regan, Bruce Davison, Ed Weeks, Brenda Strong |
| Земја | САД |
| Аудио | англиски |
| Превод | хрватски, македонски, словенечки, српски |
| Должина | 82 минути |